عمرك ما حبيتنى
عمرك ما حبيتنى حبيت نفسك حبيت انانيتك
محبتنيش كانسانه
بتحس وتشعر
حبيت غرورك وامتلاكك ليا
امتلاكك لرغبه جواك
انا انسانه يا انسان بتحب وتحن وتعشق بجنون
لكن انت محبتنيش علشان تحس بيا
انت حبيت ترضى غرورك فيا
لو حسيتنى كنت حبيبتى
لو كان لك قلب زى قلبى كنت حبيتنى
لكن للاسف محبتنيش ومحستنيش
الحب عندك ايه معناه انك تملكنى
لا يا انسان
الحب دنيا تانيه غير الى فى خيالك
دنيا من الاحلام ممكن لكن فيها الحقيقى
الحب شوق ولهفه حبيب لحبيبه
الحب حنين جوانا بنتمناه ونجرى عليه
الحب حضن دافى يضمك فى لحظه صدق
فهمت يا انسان معنى الحب ايه
يا ريت ترجع لنفسك وتعرف انك محبتنيش وفى يوم من الايام
وفى يوم من الايام هتعرف انك محبتنيش وتندم وتقول لروحك انا ليه محبتهاش